एजेन्सी : श्रीलंकाको राष्ट्रपतीय निर्वाचन इतिहासमै पहिलो पटक राष्ट्रपतिको चयन प्रक्रिया दोस्रो चरणको मतगणनामा पुगेको छ।

यसपटक कुनै पनि उम्मेदवारले पहिलो चरणमा ५० प्रतिशतभन्दा बढी मत प्राप्त गर्न नसकेपछि दोस्रो र तेस्रो प्राथमिकतामा मतदान गरिएका मतहरूको गणना सुरु गरिएको छ।

पहिलो पटक राष्ट्रपतीय निर्वाचन दोस्रो चरणको मतगणनामा पुगेको हो। किनभने पहिलो चरणको मतगणनामा कुनै पनि उम्मेदवारले ५० प्रतिशतभन्दा बढी मत हासिल गर्न सकेनन्। निर्वाचन आयोगले अब मतदाताहरूले दोस्रो र तेस्रो प्राथमिकतामा दिएका उम्मेदवारहरूको मतगणनाका आधारमा राष्ट्रपतिको चयन हुनेछ।

चुनावको समयमा नागरिकहरूलाई आफ्नो प्राथमिकताअनुसार तीन उम्मेदवारसम्म छनोट गर्न भनिएको थियो। पहिलो चरणमा मतदाताहरूको प्राथमिक छनोटको मतगणना गर्दा वामपन्थी राजनीतिज्ञ अनुरा कुमारा दिसानायके अग्रस्थानमा छन् भने विपक्षी नेता सजिथ प्रेमदासा दोस्रो स्थानमा छन्। यद्यपि, पहिलो चरणको सम्पूर्ण परिणामहरू अझै सार्वजनिक गरिएको छैन।